EMAO EN LIÑA: Viaxeiros polo mundo da escultura [TALLA E ESCULTURA]

martes, 7 de abril de 2020

Viaxeiros polo mundo da escultura [TALLA E ESCULTURA]

#esculturasporelmundo

Hoxe moit@s de nós deberíamos estar viaxando ou noutros destinos a moitos quilómetros dos nosos fogares, algo normal nestas datas, moit@s tivemos que cancelar os nosos plans, é parte dos múltiples danos colaterais desta pandemia que nos mantén encerrados. Polo que non nos queda outra que repensar a situación, ser creativos, e reinventar esta Seman Santa que nos tocou vivir. Así que dende este espazo de comunicación queremos abrir unha fiestra ao mundo exterior, ese mundo viaxeiro que moit@s adoramos, ese mundo cheo de cousas interesante que ver, experimentar, fotografar, e almacenar nun caixón do noso cerebro, e por suposto esta é unha fiestra que abro especialmente á arte, xa que é un vínculo entre nós, a arte viaxeira, a eses lugares que descubrimos noutros momentos da nosa vida, ou que sabemos da súa existencia e queremos descubrir en próximos mellores momentos.

Así que a miña proposta para esta Semana Santa na casa é facer un gran muro con eses lugares que coñecimos ou queremos coñecer pero sempre ligados a unha obra escultórica en particular, pode ser dese lugar que tivemos que cancelar ou dalgún lugar que visitamos noutra ocasión ou dese lugar do que sabemos que se atopa a obra dese/a escultor/a que adoramos e queremos compartir con tod@s.

Espero que esta viaxe sexa do voso agrado e poidamos viaxar xunt@s por eses lugares da escultura polo mundo.

————--Dinámica de traballo:

1. Elixo a escultura ou grupo escultórico que quero compartir.

2. Buscó unha foto miña (na que podo saír retratado/a ou non) ou se quero fago unha fotomontaxe. Porqué non?

3. Subo a imaxe ao muro creado para este proxecto na plataforma Padlet.

4. Alí ademais da imaxe, dou os datos da obra, autor/a, o lugar onde se atopa (país, cidade, museo ou rúa), e conto porqué elixín esa peza.

5. Etiquétoa co hashtag se teño instagram para poder publicala nun muro aberto para o proxecto. #esculturasporelmundo ó etiquetar a foto con site hashtag facémola visible.

Déixovos aquí un pequeno titorial para subir as fotos e o texto á conta de Padlet

Ista é a miña primeira achega:

Autor: Jaume Plensa
Escultura: Crown Fontaine

Ubicación: Millenium Park de Chicago

Comentario: Elixo esta obra de Plensa porque creo que representa aquilo que anhelamos neste momento, un lugar de encontro!, pero á vez é unha peza onde se mostran imaxes virtuais (como ocorre nestes intres) de cidadáns anónimos de Chicago que interactúan co espazo xogando a verter auga á praza para que outros gocen do espazo, é unha peza que fala de facer comunidade, algo do que falamos tanto nestes días. Paréceme marabillosa!

——————-Recursos:

Aquí coloco algúns enlaces para que viaxedes por museos e cidades e descubrades esas esculturas que se encontran polo mundo! Atar o cinto que despegamos!!!!
Museos virtuales
Land art